ماريا يوريڤينا شاراپوڤا (انجليزى: Maria Sharapova), هيا لاعبة تنس من روسيا من مواليد 19 ابريل سنة 1987. كسبت لقب الفردى للستات فى بطولة ويمبلدون سنة 2004.[3] و بطولة امريكا المفتوحه للتنس سنة 2006 و بطولة استراليا سنة 2008 و بطولة فرنسا سنة 2012 و سنة 2014. و كانت فى المركز الاول على العالم خمس مرات اخرهم فى شهر يونيه 2012 [4]
حياتها
ماريا شاراپوفا إتولدت سنة 1987 فى بلدة نايجان فى سيبيريا روسيا. أبوها يورى و امها يلينا من اصل عرقى بيلاروسى ، و بعد كده العيله راحت تعيش فى جوميل فى بيلاروس ، و بعد حادثة تشرنوبيل النوويه سنة 1986 اللى أثرت على المنطقة[5] االعيله راحت تعيش فى سوتشى قبل ما تتولد ماريا [5] لما كان عمر ماريا شارابوفا سنتين هناك إتصاحب باباها على ألكسندر كافلنيكوف ، اللى ابنه يڤجينى كافيلنكوڤ كسب بعد كده اتنين من بطولات الفردى من البطولات الاربع الكبرى.
ماريا شاراپوفاإبتدت تلعب تنس لما كان عندها اربع سنين و سافرت امريكا مع باباها سنة 1994 [6] علشان تتعلم فى أكاديمية نيك بوليتيرى للتنس فى ولاية فلوريدا اللى إتعلم فيها نجوم تنس كبار زى اندريه اجاسى ، مونيكا سيليش و انا كورنيكوڤا و قواعد الڤيزا بتاعة امريكا منعت والدة شارابوفا من السفر ليهم لمدة سنتين.
ماريا شاراپوفا أخدت إهتمام كبير لما كسبت اول بطوله لما كان عندها تلاتاشر سنه [7]
مسألة المنشطات
يوم 7 مارس 2016، أعلنت ماريا شاراپوفا ف مؤتمر صحفى ان نتيجة تحليل منشطات اتعمل لهف ف بطولة اوستراليا المفتوحه للتنس طلعت إيجابيه لدوا بتستعمله من عشر سنين اسمهميلدرونايت . اللى كتب لها ده كان دكتور العيله. الدوا ده ساعتها ماكانش من محظورات الوكالة العالمية لمكافحة المنشطات (وادا) . بقا محظور يوم 1 يناير 2016، شاراپوڤا قالت انها ما كانتش تعرف ان ميلدرونايت من المحظورات. رئيس الاتحاد الروسى للتنس ساندها.[8]. ماريا شاراپوڤا اتمنعت من لعب ماتشات تنس 15 شهر ابتدو من 26 يناير 2016 تاريخ التحليل.
بعيد عن التنس
عاشت ماريا شاراپوڤا فى امريكا من سن تسع سنين ، لكنها تحتفظ بجنسيتها الروسيه.[9] و عندها بيت فمانهاتن بيتش، كاليفورنيا [10] . ماريا شاراپوفا بتمتلك ماركة حلويات اسمها شوجارپوڤا.
بطولات
ماريا شارابوفا كسبت 32 بطوله فردى ستات منهم خمسه جراند سلام و كسبت ميداليه فضه فى فردى التنس ف الالعاب الأولمبية سنة 2012.
سنة 2011 بترا كفيتوفا كسبت بطولة ويمبلدون لقب الفردى للستات بعد ما غلبت ماريا شارابوفا
ليست هناك تعليقات:
إرسال تعليق