ثورة ٣٠ يونيو
هي ثورة اتعملت يوم 30 من يونيه 2013 في عدد كبير من محافظات مصر ضد ( محمد مرسي ) و نزل ملايين من الشعب و عزلوا ( محمد مرسي ) من حكم مصر بمساعدة وزير الدفاع عبد الفتاح السيسي و الاحزاب و حركات المعارضة
محمد مرسي مسك حكم مصر لمدة سنه لكن ماحصلش تحسن ف مشاكل مصر الاقتصادية، و نقص الطاقة، و انعدام الأمن والأزمات الدبلوماسية. رغم إن البنية التحتية ف مصر كانت ف حاله وحشه من أبل وصول مرسى للحكم، لكنه و حكومته إتلامو عليها و إنهم ما حللوهاش. بس معظم منظمات الدوله الفاشله ف مصر كان ماسكها ناس من الموالين لمبارك و نظامه. و ممكن تلخيص أسباب الاحتجاجات ف:
علشان حزب الاخوان المسلمين حزب الحرية والعدالة كان الحزب الحاكم، غالبية أعضائها لجنة صياغة الدستور كانو منهم و من حلفائهم و استخدمو ده علشان تمرير دستور بيدعم الشريعة الإسلامية (السبب الرئيسى ف الاحتجاجات[24]) ) و بسبب ده أعضاء لجنة صياغة الدستور اللى مش بيساندو التوجه الإسلامى و ممثلين الكنايس إنسحبو من اللجنه
إسلوب الرئيس مرسى و الاسلاميين ف الحكم و تعارضه مع مطالب الملايين من الشعب المصرى اللى كانو عاوزين حكومة علمانيه تحترم حقوقهم ف مصر .
الصحفيين و وسايل الإعلام ركزو على مشاكل البلد و فشل مرسى و حكومته
الأزمات الإقتصاديه و العجز ف البنزين و انابيب البوتوجاز و الكهربا .
برنامج مرسى ف الانتخابات، وعد إن الدوله بعد الثوره هاتبتدى تتحل مشاكلها من خلال خطة ال 100 يوم، لكن ما نفذش من وعوده أكتر من 16٪.
خطط خفض الدعم علشان سلفة صندوق النقد الدولى 4.8 مليار دولار و كانت هاتسبب زيادة أسعار الغاز والكهربا و الأكل و زيادة الضرائب
منح مرسى عفو رياسى ل 17 من الاسلاميين المحبوسين و منهم أعضاء من الجماعة الإسلامية المحبوسين بسبب التمرد المسلح للجماعة ضد الدولة ف التسعينيات و من حركة الجهاد الإسلامى اللى سنة 1981 أتلو الرئيس أنور السادات.
مشاكل دبلوماسيه بما فيها بنا السدود الإثيوبية على طول نهر النيل،و تهديد حصة مصر من الميه.
سوء حالة الأمن تحت حكم مرسى و قتل 16 من حرس الحدود ف سيناء واختطاف 7 من افراد الامن المصريين
كل ده اتسبب ف إن كتير من المصريين كرهو نظام حكم محمد مرسى و هو دا اللي خلي الشباب و الاحزاب و حركات المعارضة و اشهرها ( حركة تمرد ) اللي إبتدت ف 26 ابريل 2013 بغرض سحب الثقة من محمد مرسي في فترة حكمه ينزلوا يوم 30 يونيو علشان يشيلوا محمد مرسي من الحكم
مصادر
ليست هناك تعليقات:
إرسال تعليق