كنت عايز أوضح بعض النقاط المهمة
صحيح في مصر حالات اصابات كورونا (COVID-19) والفيروس دا خطورته في سرعة انتشاره وليست في تأثيره عليك ولكن انت من نفسك بتخاف انه يعدي حد من عيلتك يكون حد كبير في السن ومناعته ضعيفه فيموت لو بعيد الشر اتصابت بيه وعديت اللي حواليك
المشكلة ان فيه ناس بتنشر اشاعات كتير لاي حد جاله اي تعب وتقولك اكتشاف حالة في منطقة كذا وبيطلع الآخر غلط الأخطر من الفيروس نفسه هو الخوف .. احنا المفروض نعرف الحقيقة دي مش عشان نخاف ونجري علي كل حاجة نشتريها ونخلصها ونخزنها زي ماحصل ف الصين والحمد لله محصلش الكلام ده لا احنا بنعرف الكلام ده عشان نحمي نفسنا منه باننا نحافظ علي نظافة نفسنا وأماكنا ونقل في الشوارع ومن الاجتماعات اللي لسه شغالة لتقليل انتشاره ونكسب وقت لحد ماربنا يوفق ويأكدوا العلاج ويتاح للجميع ويبقي الفيروس دا بقي عادي بالنسبالنا زي أي وباء قديم وانتهي.. ولازم أهم حاجة التقرب من ربنا عشان يرفع عننا البلاء ده لانك مش هتلاقي غير ربنا ترجعله حتي أكبر دول العالم لسه ملقيتش علاج وجايز الوباء ده خير يعرفنا قيمة كل حاجة حوالينا مهما كانت صغيرة مكناش حاسيين بقيمتها .. ربناا يحفظنااا جميعاااً
ليست هناك تعليقات:
إرسال تعليق