فيلم Exam
الفيلم دة بيرد على أي حد بيقولك ان الأفلام الأجنبية محتاجة امكانيات وفلوس وملايين والكلام دة كله. الفيلم دة كله جوة حجرة في شركة. ومفيهوش أي أكشن ولا انفجارات ولا امكانيات ولا اي حاجة
الفيلم مفيهوش مناظر خارجة ولا أي حاجة يعني اي حد ممكن يشوفه. دة أكبر دليل على ان الفكرة ممكن تخلي اي حاجة تنجح مش الإمكانيات ولا المناظر ولا الحاجات اللي بتشد الناس ولا الدعاية الكاذبة ولا الكلام دة كله.
الفيلم من نوعية أفلام ال Plot Twist او الأفلام اللي هتلفف دماغك وتخليك طول الفيلم بتفكر ومن نوعية الأفلام اللي هتستمتع بيها جدا وهتعيش معاهم بجد كانك واحد من الفريق وهتحس انك في الاختبار معاهم وهتشغل مخك طول الفيلم. الفيلم مش مجرد فيلم هيضيعلك شوية وقت لأ. دة نوع من الأفلام اللي هتستفيد منه بعد متخلص شوية Tricks كدة وحاجات هتفيد عقلك وهتعلمك دايما لما تتسأل سؤال أو تتحط في مشكلة الحل مش بيكون دايما أبعد حاجة او اصعب حاجة وان ساعات الحل بيكون قدام عنيك اصلا لكن علشان انت متعود تفكر لبعيد او تصعب كل حاجة بتروح بعيد من غير متبص قدامك الاول.
الفيلم محترم بجد وواحد من الأفلام اللي مش هتنساها بيحكي عن مجموعة من الناس راحوا يتقدموا لوظيفة واتسألوا سؤال علشان يتقبلوا في الوظيفة ومن هنا بتبدأ احداث الفيلم.
ليست هناك تعليقات:
إرسال تعليق